Ne 2 ore dorezojme ne te gjithe Tiranen :)

Fusili me Brokoli

Përbërësit:

  • 500gr makarona fusilli
  • 400gr brokoli
  • 2 speca të kuq
  • 3 thelpinj hudhra
  • 2 kunguj mesatarë
  • Vaj ulliri
  • 100 ml verë të bardhë
  • 4 lugë gjelle stika pishe
  • Kripë dhe piper

Përgatitja:

1.Vendosni në sobë me temperaturë të lartë, një tenxhere me ujë dhe pasi të fillojë të ziejë hidhni kripë.

2.Ndërkohë coptoni brokolit në pjesë të vogla. Prisni dhe hiqni farat nga specat dhe pritini në copa të vogla. Prisni në pjesë të vogla gjithashtu edhe hudhrën. Në fund merrni kungujt, hiqini fundit, pritini përgjysëm dhe më pas në copa të vogla

3.Pasi uji të jetë gati, hidhni makaronat fusilli dhe lerini të bëhen gati sipas kohës së përcaktuar tek paketimi. Pasi të jenë bërë, kullojini nga uji dhe lerini mënjanë.

4.Në një tigan hedhim 2 lugë gjelle vaj ulliri, shtojmë brokolit, specat, hudhrën dhe kungujt. I gatuajmë duke i trazuar vazhdimisht deri sa ato të kenë marrë ngjyrën e skuqjes. Shtoni verën e bardhë dhe ulni temperaturën. Lerini dhe pak deri sa vera të fillojë procesin e avullimit.

5.Në fund, merrni një tas të madh, bashkoni makaronat me perimet dhe trazojini deri sa të bashkohen të gjitha.

Pasi t’i keni ndarë makaronat nëpër pjata, hidhini sipër nga një lugë stika pishe për secilën pjatë. Shtoni erëza sipas dëshirës.

BLINI TE GJITHA PRODUKTET QE JU NEVOJITEN PER KETE RECETE